<$BlogRSDUrl$>

miðvikudagur, janúar 03, 2007

Fluttur

Nú nenni ég þessu ekki lengur og er fluttur á Moggann. Sjáumst þar!!

8E69618150C627D64AFEA615129FA24E

0 comments

þriðjudagur, desember 26, 2006

Vandræði

Hef verið í basli með að koma póstum inn á bloggerinn. Ekki færri en fimm langar færslur hafa farið forgörðum. Í þokkabót reyndi ég að stofna blogg á Mogganum en sló þá óvart inn annað notendanafn en ég ætlaði að nota og er lífsins ómogulegt að breyta því.

Eina breytingin er að ég skrifa þessa færslu í nýju fartölvunni minni og er óneitanlega gott að vera kominn með eitt slíkt tæki í fangið eftir að hafa misst fartölvuna sem ég var með á Víkurfréttum.

***

Að vanda hafa jólin verið ljúf. Ég slapp við allar jólavaktir í vinnunni vegna þess að ég hef verið á fullu í annálnum. Hlakka óneitanlega til að sjá hvernig hann kemur út. Mamma og María afasystir mín voru í mat á aðfangadag og í gær var matur hjá Svavari pabba hennar Rósu. Systir Rósu sem býr í Noregi er hér með fjölskyldunni og Vignir bróðir hennar er hérna líka þannig að það var mikið fjör.

Í dag er svo jólaball og matur hjá mömmu hennar Rósu. Og á morgun er vinna. Og kílóin á milli vinnudaganna eru örugglega nokkuð mörg.

0 comments

mánudagur, desember 11, 2006


0 comments

mánudagur, desember 04, 2006

Taka 3

Þetta er þriðja tilraunin sem ég geri til að setja inn færslu á jafn mörgum dögum. en í fyrri skiptin hefur verið eitthvað sambandsleysi í bloggernum. Ef þetta gengur ekki núna, flyt ég mig yfir á Moggabloggið.

***

Í kvöld tók ég þátt í rýnihóp sem Gallup hafði stofnað til vegna hugsanlegrar stækkunar álversins í Straumsvík. Það var gaman að taka þátt í þessu og upphófust mikil skoðanaskipti þar, sem var skemmtilegt. Það sem vakti athygli mína var að í hópnum voru fimm karlmenn og þrjár konur, og voru karlmennirnir fylgjandi stækkun en konurnar á móti! Ekki veit ég hvort þetta er svona almennt en mér fannst þetta skemmtilegt. Ætli sé einhver vísindaleg skýring til á þessu?

***

Rósa hefur verið á fullu að lesa undir próf síðustu daga, en prófið er í fyrramálið. Enn verð ég að dást að þessum dugnaði í henni. Ég myndi ekki nenna þessu fyrir mitt litla líf. Ég fæ ennþá hroll þegar ég hugsa um skóla, en ég fékk svo heiftarlegan námsleiða undir lok háskólagöngu minnar að ég hélt að ég þyrfti að fá sálfræðihjálp. Þetta situr ennþá í mér, en kannski lagast það. En allavega, vona að Rósa rúlli þessu upp.

***

Gerði langa færslu í gær sem misfórst um hótanir Jóns Ásgeirs um að leggja niður fréttastofuna ef RÚV-frumvarpið verður að lögum. Sé svo að Sigmar hefur sagt það sem segja þarf um málið og geri hans orð að mínum.

0 comments

laugardagur, desember 02, 2006

Aftur í hversdagsleikann

Byrjaði aftur að vinna í gær eftir fæðingarorlof. Og það var ekkert smámál sem beið þegar ég mætti kl. 6 um morguninn, uppsögn Margrétar Sverrisdóttur úr starfi framkvæmdastjóra þingflokks Frjálslyndra, sem var að sjálfsögu heitt mál. Hvað sem segja má um réttmæti þessarar ákvörðunar getur þetta mál ekki hafa komið á óheppilegri tíma fyrir flokkinn, eða rétt eftir að hann mælist með 11% fylgi í skoðanakönnun. Það verður fróðlegt að sjá hvernig þeir halda á þessu máli.

Það verður hins vegar nóg hjá mér að gera á næstunni því mér hefur verið falið að sjá um áramótaannál Fréttastofu Útvarpsins, þ.e. innlenda hlutann. Skemmtilegt en jafnframt tímafrekt verkefni, en það verður gaman að reyna að gera þessu gríðarlega viðburðaríka fréttaári skil á einum klukkutíma. Ég verð allavega ekki í vandræðum með að finna viðburði í þáttinn!

***

Í dag voru syngjandi jól í Hafnarborg. Þangað hef ég mætt á hverju ári síðustu ár, aðallega til að taka myndir, en í dag fór ég eingöngu til að horfa á Líf syngja með Kór Áslandsskóla. Tónlistarstarfið í þessum skóla er alveg ótrúlega gott og þar munar mikið um að hafa öflugan og áhugasaman tónmenntakennara. Allavega stóð kórinn sig með mikilli prýði eins og við var að búast.

Hefðin er líka skemmtileg, en þarna syngja allir kórar í Hafnarfirði og Álftanesi jólalög í 20 mínútur hver og þar sem mikill fjöldi kóra er á svæðinu er þetta standslaust prógramm frá kl. 11 til sjö eða þar um bil. Og svo koma menn og fara eins og þeir vilja.

Heyrði samt raddir um að menn hefðu saknað þess að það hefði ekki birst í bæjarblöðunum í hvaða röð kórarnir myndu syngja. Ég var jafnvel spurður hvort að þetta hefði verið aflagt eftir að ég hætti! Ég vona að svo sé ekki.

***

Liverpool fann útisigur í dag, og þegar það gerðist brast stíflan svo um munaði. Ef við vinnum góðan sigur í Tyrklandi líka ætti að vera komið blússandi sjálfstraust í liðið á útivöllum. Og það fáránlega er að þrátt fyrir að við séum búnir að tapa fimm leikjum í deildinni erum við í 3.-6. sæti í deildinni! Að vísu eiga tvö af þeim liðum sem eru með jafnmörg stig og við leik til góða en þetta er engu að síður ótrúlega staða miðað við hvað manni finnst Liverpool-liðið hafa verið brokkgengt í vetur. En vonandi er þetta upphafði að einhverju stærra og meira fyrir veturinn.

0 comments

fimmtudagur, nóvember 23, 2006

Jólin, jólin

Undanfarna daga hefur allt verið reynt til að koma því inni í hausinn á mér að jólin séu alveg að koma, þó að það sé ennþá meira en mánuður í þau. Þetta hefur komið fram í auglýsingum í fjölmiðlum (nefni engin nöfn, en ein húsgagnaverslun og tvær blómaverslanir hafa verið sérstaklega ágengar) auk þess sem Líf, eldri dóttir mín, er farin að æfa jólalög bæði í kór Áslandsskóla og í Tónlistarskóla Hafnarfjarðar, og ég fæ að sjálfsögðu að heyra reglulega sönginn og spilið. Sem er besta mál, því stelpan bæði syngur og spilar vel samkvæmt mínu hlutlausa en faglega mati.

En í dag komst þetta endanlega í hausamótin á mér af þremur ástæðum:
1. Með Mogganum í dag fylgdi aukablað um Hafnarfjörð, sem var greinilega gefið út í tilefni af því að jólaþorpið byrjar um næstu helgi. Síðan byrjað var með jólaþorpið fyrir jólin 2003 hefur mér alltaf fundist að þegar það hefur göngu sína séu jólin fyrst að nálgast.
2. Bingó var haldið í bekknum hjá dóttur minni í dag. Þar spilaði hún og söng Bjart er yfir Betlehem með nokkrum bekkjarsystrum. Fyrst fleiri en mín dóttir er farin að syngja jólalög þá hljóta jólin að vera alveg að koma, er það ekki?
3. Það var spilað jólalag í Ipodinum mínum þegar ég hlustaði á hann í dag. Eitthvað sem hafði verið sett í hann úr því tónlistarsafni sem fyrir var í tölvunni. Minnir að það hafi verið Hátíðarskap með Nylon, af plötunni Jólaskraut. Þrátt fyrir að ég kunni miklu betur við upprunalegu útgáfuna af þessu lagi, með Þér og mér (semsagt dúettinum sem nefnist Þú og ég) komst ég í snert af jólaskapi við það. Það reyndar breyttist snarlega þegar Pink Floyd tók við í spilaranum.

Ég er semsagt ekki frá því að eitthvað jólaskap sé að færast yfir mig, og það óvenju snemma. Í það minnsta þarf ég að fara að fjölga lögum í Ipodinum.

***

Það virðist greinilega gefast vel að blogga ekkert um Liverpool á þessu bloggi. Því ætla ég að halda því áfram.

0 comments

mánudagur, nóvember 20, 2006

Nóg að gera

Þetta orlof hefur verið ótrúlega fljótt að líða. Nú eru tveir þriðju búnir og mér finnst ég vera nýbyrjaður. Þetta hefur sennilega helgast að því að á milli þess sem maður hefur verið að sinna börnunum hefur tíminn farið í Liverpoolblað og bók.

Á laugardaginn var reyndar árlegur vinnufundur fréttastofunnar. Hann fór fram í Borgarnesi og voru fréttaþættirnir þar ræddir. Þar er átt við Morgunvaktina, Síðdegisútvarpið, Spegilinn og Laugardagsþáttinn. Fundurinn var mjög góður og þegar fundinum sjálfum lauk og ferðir voru farnar í víngerðina, landnámssetrið og móttöku hjá sveitarstjóra Borgarbyggðar héldu menn áfram að ræða umræðuefnið sín á milli. Hvort stakkaskipti verði á fréttaþáttunum eftir þetta á eftir að koma í ljós.

***

Ég horfði á Edduna í gærkvöldi, svona að mestu leyti. Það kom fátt á óvart þar. Samgladdist þó sérstaklega gömlum vinnufélaga mínum af Víkurfréttum, Jóhannesi Kr. Kristjánssyni, fyrir verðlaunin sem Kompás fékk og eru fyllilega verðskulduð. Honum hefur tekist að búa til góðan þátt sem tekið hefur á mörgum flottum málum á glæsilegan hátt.

Annars er ég einn af fáum Íslendingum sem hef ekki ennþá séð Mýrina, en það stafar m.a af þeim veikindum sem Sif hefur gengið í gegnum og hversu óróleg hún hefur verið á kvöldin af þeim sökum. Einhvern tíman ætlum við Rósa að drífa okkur...veit bara ekki alveg hvenær.

***

Ég blogga frekar sjaldan um Liverpool hér. Ég held ég sleppi því líka núna.

0 comments

This page is powered by Blogger. Isn't yours?